Tayitu Cultural
and
Educational Center
Our Goal, Vision & Commitment
Entertain, Educate and Support
Volunteer, Participate, or Donate
አኩሪ ታሪክ፣ ባህልና ጥበብን ለመጪው ትውልድ እናስተላልፍ!
አኩሪ ታሪክ፣ ባህልና ጥበብን ለመጪው ትውልድ እናስተላልፍ!
ቢትወደድ ኃይለ ጊዮርጊስ ወልደሚካኤል ከአጼ ምኒልክ የመጀመሪያዎቹ ሚኒስትሮች አንዱ ናቸው፡፡ በዚያን ጊዜ የንግድ እና የውጪ ጉዳይ ሚኒስትር ሆነው፣ ኋላ በልጅ ኢያሱ የአስተዳደር ዘመን ደግሞ በጠቅላይ ሚኒስትርነት ተሹመው ሃገራቸውን አገልግለዋል፡፡ በፎቶው ላይ የምትመለከቱት እድሜ ጠገብ ሕንጻም የእሳቸው መኖሪያ ቤት የነበረ ነው፡፡ በአዲስ አበባ ከተማ ያሉ መሰል ጥንታዊና ታሪካዊ ቤቶች በቅርስነት ተይዘውና ተጠብቀው ከትውልድ ወደ ትውልድ መተላለፍ እንዳለባቸው የታመነ ነው፡፡ ሆኖም አንዳንድ ተመሳሳይ ታሪክና እሴት ያላቸው ቤቶች ባለማወቅና በግዴለሽነት እየፈረሱና በእርባና ቢስ ቤቶች እየተተኩ መሆኑ እጅግ የሚያሳዝን ነው፡፡
ጣይቱ የባህልና የትምህርት ማዕከል ይህን ታሪካዊ ሕንጻ ከታላቅ ኃላፊነት ጋር ተረክቧል፡ ማዕከሉ ሕንጻውን ለመንከባከብና የተለያዩ ባህላዊና ታሪካዊ ሥራዎችን በማቅረብ ኢትዮጵያውያን በተለይም ወጣቱ ትውልድ የሚማርበትን መድረክ ለመፍጠር በታላቅ እንቅስቃሴ ላይ ይገኛል፡፡ ስለዚህም ማዕከሉ እስከዛሬ ከሃገር ውጪም ሆነ በሃገር ውስጥ ያከናወናቸውን ተግባራት ስትደግፉ የነበራችሁ የጣይቱ ቤተሰቦች ዛሬም ከጎኑ እንድትቆሙ ጥሪውን ያቀርብላችኋል፡፡ በተከፈተው የ GoFundMe አካውንት አማካይነትም የተቻላችሁን ድጋፍ በማድረግ የዚህ ታላቅ ታሪክ አካል እንድትሆኑ በታላቅ አክብሮት ተጋብዛችኋል፡፡ ለወዳጆቻችሁና ለምታውቋቸው የጥበብ አፍቃሪዎችም መልዕክቱን እንድታስተላልፉ አደራ እንላለን፡፡ ከልብ እናመሰግናለን!!
ከእውነት ጋር - ከፍትህ ጋር - ከነፃነት ጋር ምንጊዜም መቆም አለብን::
Recent events
Take a glimpse of the last poetry program at Tayitu. AND, Subscribe our Youtube channel to watch what you missed.
Join Us
Let's Create a Space for Art, Culture & Education
